യേശു പറഞ്ഞു: നിങ്ങളുടെ അല്പവിശ്വാസം കൊണ്ടു തന്നെ. സത്യമായി ഞാന് നിങ്ങളോടു പറയുന്നു: നിങ്ങള്ക്കു കടുകുമണിയോളം വിശ്വാസമുണ്ടെങ്കില് ഈ മലയോട്, ഇവിടെ നിന്നു മാറി മറ്റൊരു സ്ഥലത്തേക്കു […]
മത്തായി 5 : 3-12
ആത്മാവില് ദരിദ്രരായവര് ഭാഗ്യവാന്മാര്; സ്വര്ഗരാജ്യം അവരുടേതാണ്.വിലപിക്കുന്നവര് ഭാഗ്യവാന്മാര്; അവര് ആശ്വസിപ്പിക്കപ്പെടും.ശാന്തശീലര് ഭാഗ്യവാന്മാര്; അവര് ഭൂമി അവകാശമാക്കും.നീതിക്കുവേണ്ടി വിശക്കുകയും ദാഹിക്കുകയും ചെയ്യുന്നവര് ഭാഗ്യവാന്മാര്; അവര്ക്കു സംതൃപ്തി ലഭിക്കും.കരുണയുള്ളവര് ഭാഗ്യവാന്മാര്; […]
യോഹന്നാന് 16 : 23
അന്ന് നിങ്ങള് എന്നോട് ഒന്നും ചോദിക്കുകയില്ല. സത്യം സത്യമായി ഞാന് നിങ്ങളോടു പറയുന്നു: നിങ്ങള് എന്റെ നാമത്തില് പിതാവിനോടു ചോദിക്കുന്നതെന്തും അവിടുന്നു നിങ്ങള്ക്കു നല്കും.
സുഭാഷിതങ്ങള് 3 : 26
കര്ത്താവ് നിന്റെ ആശ്രയമായിരിക്കും; നിന്റെ കാല് കുടുക്കില്പ്പെടാതെ അവിടുന്ന് കാത്തുകൊള്ളും.
ഏശയ്യാ 52 : 12
നിങ്ങള് തിടുക്കം കൂട്ടേണ്ടാ; വേഗം ഓടുകയും വേണ്ടാ. കര്ത്താവ് നിങ്ങളുടെ മുന്പില് നടക്കും. ഇസ്രായേലിന്റെ ദൈവമായിരിക്കും നിങ്ങളുടെ പിന്കാവല്ക്കാരന്.
1 ദിനവൃത്താന്തം 5 : 20
ദൈവത്തില് വിശ്വാസമര്പ്പിക്കുകയും അവിടുത്തെ വിളിച്ചപേക്ഷിക്കുകയും ചെയ്തപ്പോള് അവിടുന്ന് അവരുടെ പ്രാര്ഥന കേട്ടു.
മത്തായി 10 : 26
നിങ്ങള് അവരെ ഭയപ്പെടേണ്ടാ, എന്തെന്നാല്, മറഞ്ഞിരിക്കുന്നതൊന്നും വെളിപ്പെടാതിരിക്കുകയില്ല. നിഗൂഢമായിരിക്കുന്നതൊന്നും അറിയപ്പെടാതിരിക്കുകയുമില്ല.
നിയമാവര്ത്തനം 31 : 8
കര്ത്താവാണു നിന്റെ മുന്പില് പോകുന്നത്. അവിടുന്നു നിന്നോടുകൂടെ ഉണ്ടായിരിക്കും. അവിടുന്നു നിന്നെ ഭഗ്നാശനാക്കുകയോ പരിത്യജിക്കുകയോ ഇല്ല; ഭയപ്പെടുകയോ സംഭ്രമിക്കുകയോ വേണ്ടാ.
എസ്തേര് 10:19
എല്ലാറ്റിനെയും ഭരിക്കുന്ന ദൈവമേ, ആശയറ്റവരുടെ ശബ്ദം കേള്ക്കണമേ! തിന്മ ചെയ്യുന്നവരുടെ കരങ്ങളില്നിന്നു ഞങ്ങളെ രക്ഷിക്കണമേ! എന്നെ ഭയത്തില്നിന്നു മോചിപ്പിക്കണമേ.
യോഹന്നാന് 14 : 18
ഞാന് നിങ്ങളെ അനാഥരായി വിടുകയില്ല. ഞാന് നിങ്ങളുടെ അടുത്തേക്കു വരും.