എന്റെ പാറയും വീണ്ടെടുപ്പുകാരനുമായ കര്‍ത്താവേ, എന്റെ വായിലെ വാക്കുകളും ഹൃദയത്തിലെ വിചാരങ്ങളും അങ്ങയുടെ മുന്‍പില്‍ സ്വീകാര്യമായിരിക്കട്ടെ.

വിശ്വാസം വഴിയാണ് കൃപയാല്‍ നിങ്ങള്‍ രക്ഷിക്കപ്പെട്ടത്; ഇത് നിങ്ങള്‍ സ്വയം സമ്പാദിച്ചതല്ല, ദൈവത്തിന്റെ ദാനമാണ്.

ക്രിസ്തുവിലായിരിക്കുന്നവന്‍ പുതിയ സൃഷ്ടിയാണ്; പഴയതെല്ലാം കടന്നുപോയി, ഇതാ, പുതിയതു വന്നുകഴിഞ്ഞു.

കര്‍ത്താവ് അരുളിച്ചെയ്ത കാര്യങ്ങള്‍ നിറവേറും എന്ന് വിശ്വസിച്ചവള്‍ ഭാഗ്യവതി.

കര്‍ത്താവേ, അങ്ങ് കാരുണ്യവാനും കൃപാനിധിയുമായ ദൈവമാണ്; ക്ഷമാശീലനും സ്നേഹത്തിലും വിശ്വസ്തതയിലും സമൃദ്ധനുമാണ്.

കര്‍ത്താവാണ് ദൈവമെന്നറിയുവിന്‍; അവിടുന്നാണ് നമ്മെ സൃഷ്ടിച്ചത്, നാം അവിടുത്തേക്കുള്ളവരാണ്; നാം അവിടുത്തെ ജനവും അവിടുന്ന് മേയ്ക്കുന്ന ആടുകളുമാണ്.

അങ്ങയുടെ വചനങ്ങളുടെ വെളിപ്പെടുത്തല്‍ പ്രകാശം പരത്തുന്നു; അത് വിവേകമില്ലാത്തവര്‍ക്ക് വിവേകം നല്‍കുന്നു.

യേശുക്രിസ്തു ഇന്നലെയും ഇന്നും എന്നേക്കും അനന്യനാണ്.

അങ്ങയുടെ കാരുണ്യം ജീവനെക്കാള്‍ ശ്രേഷ്ഠമാണ്; എന്‍റെ അധരങ്ങള്‍ അങ്ങയെ സ്തുതിക്കും.

എന്തെന്നാല്‍, രണ്ടോ മൂന്നോ പേര്‍ എന്‍റെ നാമത്തില്‍ ഒരുമിച്ചുകൂടുന്നിടത്ത് അവരുടെ മധ്യേ ഞാന്‍ ഉണ്ടായിരിക്കും.

പ്രഭാതത്തില്‍ അങ്ങയുടെ കാരുണ്യം എന്നെ അറിയിക്കണമേ; എന്തെന്നാല്‍, അങ്ങയിലാണ് ഞാന്‍ ആശ്രയിച്ചിരിക്കുന്നത്. ഞാന്‍ നടക്കേണ്ട വഴി എന്നെ പഠിപ്പിക്കണമേ; എന്തെന്നാല്‍, അങ്ങയിലേക്കാണ് ഞാന്‍ എന്‍റെ മനസ്സുയര്‍ത്തുന്നത്.

ചെറിയ അജഗണമേ, ഭയപ്പെടേണ്ടാ; എന്തെന്നാല്‍, നിങ്ങള്‍ക്കു രാജ്യം നല്‍കാന്‍ നിങ്ങളുടെ പിതാവ് പ്രസാദിച്ചിരിക്കുന്നു.