അതുകൊണ്ട്, സമയത്തിന് സഹായം ലഭിക്കുന്നതിനും കാരുണ്യവും കൃപയും പ്രാപിക്കുന്നതിനും നമുക്ക് ധൈര്യപൂര്‍വ്വം കൃപാസനത്തെ സമീപിക്കാം.

യാക്കോബിന്റെ ദൈവം തുണയായിട്ടുള്ളവന്‍, തന്റെ ദൈവമായ കര്‍ത്താവില്‍ പ്രത്യാശ വയ്ക്കുന്നവന്‍ ഭാഗ്യവാന്‍.

ഇടവിടാതെ പ്രാര്‍ത്ഥിക്കുവിന്‍.

ആത്മാവിന്റെ ഫലങ്ങളോ സ്നേഹം, ആനന്ദം, സമാധാനം, ക്ഷമ, ദയ, നന്മ, വിശ്വസ്തത, സൗമ്യത, ആത്മനിയന്ത്രണം എന്നിവയാണ്.

അവിടുന്ന് ആദ്യം നമ്മെ സ്നേഹിച്ചതുകൊണ്ടാണ് നാം സ്നേഹിക്കുന്നത്.

കര്‍ത്താവ് എല്ലാവര്‍ക്കും നല്ലവനാണ്; അവിടുത്തെ കാരുണ്യം എല്ലാ സൃഷ്ടികളുടെയുംമേല്‍ ഉണ്ട്.

ഞങ്ങള്‍ ജ്ഞാനമുള്ള ഹൃദയം നേടേണ്ടതിന് ഞങ്ങളുടെ ആയുഷ്കാലം എണ്ണാന്‍ ഞങ്ങളെ പഠിപ്പിക്കണമേ.

മരിച്ചവരില്‍നിന്നുള്ള യേശുക്രിസ്തുവിന്റെ പുനരുത്ഥാനംവഴി സജീവമായ പ്രത്യാശയിലേക്ക് നമ്മെ വീണ്ടും ജനിപ്പിച്ച ദൈവവും നമ്മുടെ കര്‍ത്താവായ യേശുക്രിസ്തുവിന്റെ പിതാവുമായവന്‍ വാഴ്ത്തപ്പെടട്ടെ.

നിങ്ങളില്‍ ആര്‍ക്കെങ്കിലും ജ്ഞാനം കുറവാണെങ്കില്‍ അവന്‍ ദൈവത്തോട് ചോദിക്കട്ടെ; കുറ്റപ്പെടുത്താതെ എല്ലാവര്‍ക്കും ഉദാരമായി കൊടുക്കുന്ന അവിടുന്ന് അത് അവനു നല്‍കും.

ഇവയ്‌ക്കെല്ലാമുപരിയായി പൂര്‍ണ്ണതയുടെ ബന്ധമായ സ്നേഹം ധരിക്കുവിന്‍.

പരിശുദ്ധാത്മാവിന്റെ ശക്തിയാല്‍ നിങ്ങള്‍ പ്രത്യാശയില്‍ നിറഞ്ഞു കവിയേണ്ടതിന് പ്രത്യാശയുടെ ദൈവം നിങ്ങളുടെ വിശ്വാസത്തിലൂടെ സകല സന്തോഷവും സമാധാനവും കൊണ്ട് നിങ്ങളെ നിറയ്ക്കട്ടെ.

സകല ബുദ്ധിയെയും കവച്ചുവെക്കുന്ന ദൈവത്തിന്റെ സമാധാനം നിങ്ങളുടെ ഹൃദയങ്ങളെയും ചിന്തകളെയും ക്രിസ്തുയേശുവില്‍ കാത്തുകൊള്ളും.