അവിടുത്തെ വചനം എന്‍റെ പാദങ്ങള്‍ക്കു വിളക്കും എന്‍റെ പാതയില്‍ പ്രകാശവുമാണ്.

ഞാന്‍ മുന്തിരിച്ചെടിയും നിങ്ങള്‍ ശാഖകളുമാണ്. ആര് എന്നിലും ഞാന്‍ അവനിലും വസിക്കുന്നുവോ അവന്‍ സമൃദ്ധമായി ഫലം പുറപ്പെടുവിക്കുന്നു; എന്തെന്നാല്‍, എന്നെക്കൂടാതെ നിങ്ങള്‍ക്ക് ഒന്നും ചെയ്യാന്‍ സാധിക്കുകയില്ല.

എന്‍റെ ആത്മാവ് ദൈവത്തില്‍മാത്രം ശാന്തി കണ്ടെത്തുന്നു; എന്‍റെ രക്ഷ അവിടുത്തെ പക്കല്‍നിന്നാണ്.

വിശ്വസിക്കുന്നവന് എല്ലാം സാധ്യമാണ്.

ഇതാ, എന്‍റെ രക്ഷയായ ദൈവം! ഞാന്‍ ഭയപ്പെടാതെ ആശ്രയിക്കും. എന്തെന്നാല്‍, കര്‍ത്താവായ ദൈവമാണ് എന്‍റെ ബലവും എന്‍റെ ഗാനവും; അവിടുന്ന് എന്‍റെ രക്ഷയായിരിക്കുന്നു.

കര്‍ത്താവ് എത്ര നല്ലവനെന്നു രുചിച്ചറിയുവിന്‍; അവിടുത്തെ ശരണംപ്രാപിക്കുന്ന മനുഷ്യന്‍ ഭാഗ്യവാന്‍!

പരീക്ഷണങ്ങളെ ക്ഷമയോടെ സഹിക്കുന്ന മനുഷ്യന്‍ ഭാഗ്യവാന്‍; എന്തെന്നാല്‍, പരീക്ഷണങ്ങളെ അതിജീവിച്ചുകഴിയുമ്പോള്‍ തന്നെ സ്നേഹിക്കുന്നവര്‍ക്കു ദൈവം വാഗ്ദാനം ചെയ്തിട്ടുള്ള ജീവന്‍റെ കിരീടം അവന്‍ പ്രാപിക്കും.

സന്ധ്യയില്‍ വിലാപം തങ്ങിനിന്നാലും പ്രഭാതത്തില്‍ ആനന്ദമുണരും.

ചോദിക്കുവിന്‍, നിങ്ങള്‍ക്കു നല്‍കപ്പെടും; അന്വേഷിക്കുവിന്‍, നിങ്ങള്‍ കണ്ടെത്തും; മുട്ടുവിന്‍, നിങ്ങള്‍ക്കു തുറന്നുകിട്ടും.

അവിടുന്ന് നിങ്ങളുടെ കാര്യത്തില്‍ ശ്രദ്ധാലുവായിരിക്കുന്നതുകൊണ്ട്, നിങ്ങളുടെ എല്ലാ ഉത്കണ്ഠകളും അവിടുത്തെ ഏല്പിക്കുവിന്‍.

എന്നാല്‍, അവിടുന്ന് എന്നോട് അരുളിച്ചെയ്തു: നിനക്ക് എന്‍റെ കൃപ മതി; എന്തെന്നാല്‍, ബലഹീനതയിലാണ് എന്‍റെ ശക്തി പൂര്‍ണ്ണമാകുന്നത്.

യേശു വീണ്ടും അവരോടു സംസാരിച്ചു: ഞാന്‍ ലോകത്തിന്‍റെ വെളിച്ചമാണ്. എന്നെ അനുഗമിക്കുന്നവന്‍ ഒരിക്കലും അന്ധകാരത്തില്‍ നടക്കുകയില്ല; അവനു ജീവന്‍റെ വെളിച്ചം ഉണ്ടായിരിക്കും.