എന്നാല്, കര്ത്താവ് എന്റെ ശക്തികേന്ദ്രമാണ്; എന്റെ ദൈവം എന്റെ അഭയശിലയും.
സങ്കീര്ത്തനങ്ങള് 94 : 19
എന്റെ ഹൃദയത്തിന്റെ ആകുലതകള് വര്ധിക്കുമ്പോള് അങ്ങ് നല്കുന്ന ആശ്വാസം എന്നെ ഉന്മേഷവാനാക്കുന്നു.
സങ്കീര്ത്തനങ്ങള് 94 : 18
എന്റെ കാല് വഴുതുന്നു എന്നു ഞാന് വിചാരിച്ചപ്പോഴേക്കും കര്ത്താവേ, അങ്ങയുടെ കാരുണ്യം എന്നെ താങ്ങിനിര്ത്തി.
സങ്കീര്ത്തനങ്ങള് 34 : 1
കര്ത്താവിനെ ഞാന് എന്നും പുകഴ്ത്തും, അവിടുത്തെ സ്തുതികള് എപ്പോഴും എന്റെ അധരങ്ങളിലുണ്ടായിരിക്കും.
സങ്കീര്ത്തനങ്ങള് 16 : 8
കര്ത്താവ് എപ്പോഴും എന്റെ കണ്മുന്പിലുണ്ട്; അവിടുന്ന് എന്റെ വലത്തുഭാഗത്തുള്ളതു കൊണ്ടു ഞാന് കുലുങ്ങുകയില്ല.
സങ്കീര്ത്തനങ്ങള് 55 : 22
നിന്റെ ഭാരം കര്ത്താവിനെ ഏല്പിക്കുക,അവിടുന്നു നിന്നെതാങ്ങിക്കൊള്ളും; നീതിമാന് കുലുങ്ങാന് അവിടുന്നുസമ്മതിക്കുകയില്ല.
സങ്കീര്ത്തനങ്ങള് 86 : 17
അങ്ങയുടെ ദാസിയുടെ പുത്രനെ രക്ഷിക്കണമേ! അങ്ങയുടെ കൃപാകടാക്ഷത്തിന്റെ അടയാളം കാണിക്കണമേ! എന്നെ വെറുക്കുന്നവര് അതു കണ്ടുലജ്ജിതരാകട്ടെ! കര്ത്താവേ, അങ്ങ് എന്നെ സഹായിക്കുകയും ആശ്വസിപ്പിക്കുകയും ചെയ്തു.
മത്തായി 9 : 22
യേശു തിരിഞ്ഞ് അവളെ നോക്കി അരുളിച്ചെയ്തു: മകളേ, ധൈര്യമായിരിക്കുക; നിന്റെ വിശ്വാസം നിന്നെ രക്ഷിച്ചിരിക്കുന്നു. ആ നിമിഷംമുതല് അവള് സൗഖ്യമുള്ളവളായി.
ഏശയ്യാ 41 : 9
നീ എന്റെ ദാസനാണ്. ഞാന് നിന്നെതിരഞ്ഞെടുത്തു; ഇനി ഒരിക്കലും ഉപേക്ഷിക്കുകയില്ല എന്നു പറഞ്ഞുകൊണ്ട് ഭൂമിയുടെ അതിര്ത്തികളില്നിന്നു ഞാന് നിന്നെതിരഞ്ഞെടുത്തു; വിദൂരദിക്കുകളില്നിന്നു ഞാന് നിന്നെ വിളിച്ചു.
ഏശയ്യാ 54 : 17
കര്ത്താവ് അരുളിച്ചെയ്യുന്നു: നിന്നെ ഉപദ്രവിക്കാന് ഉണ്ടാക്കിയ ഒരായുധവും ഫലപ്രദമാവുകയില്ല. നിനക്കെതിരേ വിധി പ്രസ്താവിക്കുന്ന എല്ലാ നാവുകളെയും നീ ഖണ്ഡിക്കും; കര്ത്താവിന്റെ ദാസരുടെ പൈതൃകവും എന്റെ നീതിനടത്തലുമാണ് ഇത്. […]