Biblenote

അങ്ങാണ് എന്‍റെ ഒളിവിടവും എന്‍റെ പരിചയും; അങ്ങയുടെ വചനത്തിലാണ് എന്‍റെ പ്രത്യാശ.

ഞാന്‍ വന്നത് അവര്‍ക്കു ജീവനുണ്ടാകാനും അതു സമൃദ്ധമായി ഉണ്ടാകാനുമാണ്.

തന്നോടു പ്രാര്‍ത്ഥിക്കുന്ന ഏവര്‍ക്കും, സത്യമായി വിളിച്ചപേക്ഷിക്കുന്ന എല്ലാവര്‍ക്കും, കര്‍ത്താവു സമീപസ്ഥനാണ്.

എപ്പോഴും സന്തോഷിക്കുവിന്‍; ഇടവിടാതെ പ്രാര്‍ത്ഥിക്കുവിന്‍; എല്ലാ കാര്യങ്ങളിലും നന്ദി പ്രകാശിപ്പിക്കുവിന്‍. ഇതാണ് ക്രിസ്തുയേശുവില്‍ നിങ്ങളെക്കുറിച്ചുള്ള ദൈവഹിതം.

അങ്ങയില്‍ ആശ്രയിക്കുന്നവനെ, അങ്ങയില്‍ ദൃഢമായി മനസ്സുറപ്പിച്ചിരിക്കുന്നവനെ, അങ്ങു പൂര്‍ണ്ണസമാധാനത്തില്‍ കാത്തുസൂക്ഷിക്കുന്നു.

ഞാന്‍ കര്‍ത്താവിനെ എപ്പോഴും എന്‍റെ മുന്‍പില്‍ പ്രതിഷ്ഠിച്ചിരിക്കുന്നു; അവിടുന്ന് എന്‍റെ വലത്തുഭാഗത്തുള്ളതിനാല്‍ ഞാന്‍ കുലുങ്ങുകയില്ല.

സ്വര്‍ണ്ണം തീയില്‍ ശുദ്ധിചെയ്യപ്പെടുന്നു; ദൈവത്തിനു സ്വീകാര്യരായ മനുഷ്യര്‍ എളിമപ്പെടുത്തലിന്‍റെ തീച്ചൂളയിലും.

കര്‍ത്താവായ ദൈവം സൂര്യനും പരിചയുമാണ്; അവിടുന്ന് കൃപയും മഹത്വവും നല്‍കുന്നു; നേരായ വഴിയില്‍ നടക്കുന്നവര്‍ക്ക് അവിടുന്ന് ഒരു നന്മയും നിഷേധിക്കുകയില്ല.

യുഗാന്തംവരെ എന്നും ഞാന്‍ നിങ്ങളോടുകൂടെ ഉണ്ടായിരിക്കും.

ഹൃദയം തകര്‍ന്നവരെ അവിടുന്ന് സുഖപ്പെടുത്തുകയും അവരുടെ മുറിവുകള്‍ വച്ചുകെട്ടുകയും ചെയ്യുന്നു.

ദൈവത്തിന് ഒന്നും അസാധ്യമല്ല.

നന്മചെയ്യുന്നതില്‍ നമുക്കു മടുപ്പു തോന്നരുത്; എന്തെന്നാല്‍, നാം തളര്‍ന്നുപോയില്ലെങ്കില്‍ യഥാകാലം വിളവെടുക്കും.